ናይሮቢ፥ የምክር ቤት አባልና አጃቢዎች ተገደሉ

ኬንያ መዲና ናይሮቢ ውስጥ ጭምብል ያጠለቁ ታጣቂዎች የሀገሪቱ አንድ የምክር ቤት አባልን ዛሬ አውራ ጎዳና ላይ ተኩሰው በመግደል መሸሻቸው ተገለጠ።

በተኩስ ሩምታው የኬንያ የምክር ቤት አባል የሆኑት ጂዮርጅ ሙቻይ እና ኹለት የግል ጠባቂያቸው እንዲሁም የመኪናአሽከርካሪያቸው መገደላቸውን የናይሮቢ ፖሊስ እዝ ኃላፊ ፓውል ዋንጃማ አስታውቃዋል። ባለሥልጣኑ እናአብረዋቸው የነበሩት ሦስቱ ሰዎች የተገደሉት ከአንድ ሸቀጥ መደብር ጋዜጣ ለመሸመት መኪናቸውን ባቆሙበት ቅጽበትእንደነበረም ተጠቅሷል። የሟቹ ባለስልጣን ልጆች እና ቤተሰቦች በሌላ ተሽከርካሪ ከኋላ ይከተሉ እንደነበረም ተዘግቧል።አራቱ ሰዎች የተገደሉት ደረታቸው እና ጭንቅላታቸው ላይ በጥይት ተደብድበው ነው ተብሏል። የኬንያ የቀድሞውጠቅላይ ሚንስትር ራይላ ኦዲንጋ «ኬንያ እየደማች ነው፤ ፍርኃት እና ተስፋቢስነት በሀገሪቱ እየተዛመተ መጥቷል»ብለዋል። ኬንያ በሶማሊያ ወታደሮች ማሰማራቷን ተከትሎ የሶማሊያን መንግስት የሚወጉት ታጣቂዎች የበቀል ጥቃትለመሰንዘር መዛታቸው ይታወሳል። ግድያውን ተከትሎ በኬንያ ከፍተኛ የደኅንነት ስጋት መከተሉም ተጠቅሷል።

ማንተጋፍቶት ስለሺ

ልደት አበበ