የሎሚ መጽሔት ባለቤት የክስ ቻርጅ ደረሰው

በቅርቡ ፍትህ ሚኒስትር አምስት መጽሔቶችንና አንድ ጋዜጣን መክሰሱን በመንግስት የመገናኛ ብዙሃን ማስነገሩ አይዘነጋም፡፡እንደተከሰሱ ከተነገረባቸው የህትመት ውጤቶች መካከል በዛሬው ዕለት ማዕከላዊ ወንጀል ምርመራ እንዲቀርብ ተነግሮት የነበረው የሎሚ መጽሔት ባለቤት ጋዜጠኛ ግዛው ታዬ ማዕከላዊ በማምራት የክሱን ቻርጅ ተቀብሎ ተመልሷል፡፡
ክሱ የደረሰው የሎሚ መጽሔት ባለቤት የፊታችን አርብ ልደታ ፍርድ ቤት እንዲቀርብ የተነገረው መሆኑም ታውቋል፡፡እንደሎሚ ሁሉ ፋክት፣ዕንቁ፣ጃኖ ፣አዲስ ጉዳይ እና አፍሮ ታይምስ ጋዜጦች ክስ የተመሰረተባቸው ቢሆንም ማዕከላዊ እንዲቀርብ የተነገረውና ክሱን የወሰደው ግን የሎሚ መጽሔት ባለቤት ብቻ ነው፡፡የአዲስ ጉዳይ መጽሔት ባለቤትና አዘጋጆች መሰደዳቸው አይዘነጋም፡፡